VOICES TANZANIA

Voices were very excited to visit a sanitary landfill which is located at Chidaya ward in Dodoma Municipal. The modern sanitary land fill is still on progress and it will be able to save Dodoma from solid waste problem.It is large enough and it has got all essential criteria as required or guided in contruction of landfill.

Serikali imekanusha taarifa za kuwepo kwa ugonjwa wa HOMA YA ZIKA nchini


Akizungumza na waandishi wa habari jijini DSM, Waziri wa Afya, Maendeleo ya Jamii, Jinsia, Wazee na Watoto UMMY MWALIMU amesema  ugonjwa wa homa ya ZIKA bado haujathibitishwa kuingia nchini na kuwatoa hofu wananchi ya uwepo wa ugonjwa huo hapa nchini.

Waziri MWALIMU amesema utafiti uliofanywa na Taasisi ya Taifa ya Utafiti wa Magonjwa ya Binadamu - NIMR ulikuwa ni utafiti uliofanyika nchini kuchunguza ubora wa kipimo kipya cha kupima magonjwa ya zika na chikungunya ili kujua ubora wa  kipimo hicho.

Makamu wa Rais SAMIA SULUHU HASSAN amewahakikishia watanzania kuwa serikali ya awamu ya Tano imeweka mikakati madhubuti ya kukabiliana na changamoto mbalimbali katika sekta ya afya.

Serikali inakusudia kupeleka bungeni muswada ili kutunga sheria ya taifa ya wazee itakayotoa wajibu wa kisheria kwa watoto na familia nzima kuwalea wazee wao na pia kutoa adhabu kali kwa wale watakaobainika kuwanyanyasa wazee kwa lengo la kupunguza ama kutokomeza kabisa kero na mateso yanayowapata wazee nchini. Kauli hiyo imetolewa na waziri wa afya, maendeleo ya jamii, jinsia, watoto na wazee, mhe.

 Ummy Mwalimu kwenye maadhimisho ya siku ya wazee duniani ambayo kitaifa yamefanyika wilayani Mbarali mkoani Mbeya. Katika hatua nyingine waziri Ummy Mwalimu ametoa miezi mitatu kwa wakurugenzi wa halmashauri zote nchini kuwatambua wazee wote kwenye maeneo yao na kuwapatia vitambulisho vya matibabu bure ikiwa ni utekelezaji wa sera ya serikali na ilani ya chama cha mapinduzi inayoelekeza wazee nchini kupewa matibabu bure. Mkuu wa mkoa wa Mbeya, Amos Makalla amesema hadi kufikia mwezi juni mwaka huu, zaidi ya asilimia 78 ya wazee waliotambuliwa mkoani Mbeya walikuwa tayari wamepewa vitambulisho kwa ajili ya kupatiwa bure. Mfuko wa taifa wa bima ya afya ni miongoni mwa taasisi zinazotoa huduma ya matibabu kwa wazee ambao pia unao wajibu wa kuhakikisha wazee wanapatiwa matibabu ya bure

Poor people living in urban areas use un improved latrines which  don't give privacy and protection to the user from the sun,wind,and rain, no hand washing facility is provided outside the latrine. these latrines keep users at risk of diarrhea diseases which are caused by bad sanitation. ­

Waziri wa Afya Maendeleo ya Jamii Jinsia Wazee na Watoto UMMY MWALIM amesema serikali imeagiza chanjo kutoka shirika la kimataifa la kuhudumia watoto

Shirika  la kuhudumia watoto duniaani UNICEF

.

Waziri wa Afya Maendeleo ya Jamii Jinsia Wazee na Watoto UMMY MWALIM amesema serikali imeagiza chanjo kutoka shirika la kimataifa la kuhudumia watoto UNICEF na kuongeza kuwa tayari HAZINA imetoa zaidi ya shilingi Bilioni 6.4 kwa ajili ya kukabiliana na tatizo hilo.



Waziri UMMY amewambia waandishi wa habari mjini DODOMA kuwa baadhi ya chanjo zinatarajiwa kuwasili baadaye mwezi huu na kusambazwa kwenye vituo vyote vya afya  nchini.
Waziri UMMY amesema kuwa sio maeneo yote yenye upungufu wa chanjo, hivyo amewaagiza waganga wakuu wa mikoa kukusanya na kutoa takwimu za upungufu huo.

September 16,2016

Waziri wa Afya, Maendeleo ya Jamii, Jinsia, Wazee na Watoto UMMY MWALIMU amesema kuwa Wizara yake itaanzisha mpango wa Taifa

Waziri wa Afya, Maendeleo ya Jamii, Jinsia, Wazee na Watoto UMMY MWALIMU

Baadhi ya hospitali jijini DSM hazina baadhi ya chanjo hali iliyowafanya watumishi wa hospitali na wagonjwa kuiomba serikali kulitafutia ufumbuzi tatizo hilo

Wazee wamelalamikia kutojumuhishwa katika mipango endelevu ya kitaifa SDG na kushindwa kupata mikopo katika mabenki , bima na mifuko ya vikoba kutokana na kuonekana hawafai kiuchumi

Wakizungumza wakati wa semina ya kuwashirikisha wazee kwenye malengo ya millennia iliyoandaliwa na taasisi ya utafiti wa kiuchumi na kijamii ESRF na HELPAGE baadhi ya wazee hao wamesema pamoja na kupewa pensheni lakini fedha hizo hazitoshi kuanzisha mradi wowote wa maendeleo na kuwafanya kuwa masikini.

Kwa upande wake Waziri wa afya, maendeleo ya jamii, jinsia, wazee na watoto UMMY MWALIMU amesema serikali imeanza kuwaondolea changamoto zote wazee kwa kuwaongezea kipato kwa kuwapa pensheni wazee wote, huduma za afya bure na wanatarajia kuanzisha mfuko wa wazee

 September 1, 2016

Dodoma. Wanajeshi wa jeshi la wananchi Tanzania (JWTZ) wamechangia chupa 30 za damu katika kituo cha damu salama Hospitali ya rufaa ya mkoa wa Dodoma.
Jumla ya maofisa 60 waliofnya zoezi la usafi na kuchangia damu ikiwa ni miongoni mwa shughuli za kusherehekea maadhimisho ya miaka 52 ya jeshi hilo.

JWTZ KUCHANGIA DAMU

Kamanda mkuu wakanda ya kati Brigedia Jenerali Masumbuko Mademe alisema jana kuwa wameamua kusherehekea siku iyo kwa kuchangia damu baada ya kupata taarifa  kuwa mkoa waDodoma kuna upungufu wa damu.

Pamoja na kuwalinda wananchi na mali zao tumeguswa tatizo la uhaba wa damu salama Dodoma tumeona ni vema sisi kuonyesha mfano wa kuchangia damu salama
Mganga mkuu wa mkoa wa Dodoma. Dk Charles kilogwe aliwaomba wakazi wa mkoa huo na taasisi nyingine za serikali kiuga mfano huo ili kunusuru maisha ya watanzania wanaopteza maisha kwa kukosa
damu.

Alisema mahitaji ya damu salama mkoani hapa lit 200 na kwamba wamekuwa wakikusanya lita 150.

Mamlaka ya Hali ya Hewa na Wizara ya Afya wamekutana kujadiliana namna ya kukabiliana na mabadailiko ya tabia nchi.

WAZIRI wa Afya, Maendeleo ya Jamii, Jinsia, Wazee na Watoto, Ummy Mwalimu ameziagiza hospitali zote za rufaa nchini ngazi ya Mikoa, Kanda na Hospitali ya Taifa Muhimbili kutoa matibabu bure kwa wagonjwa wa fistula.
Aliyasema hayo mjini Tanga kwenye Hospitali ya Rufaa ya Mkoa ya Bombo katika uzinduzi wa kambi ya matibabu ya wagonjwa wa fistula itakayodumu kwa kipindi cha wiki moja kuanzia juzi hadi Agosti 19, mwaka huu.
Alisema tatizo la fistula limekuwa likiongezeka kila siku na waathirika wengi ni akinamama wa vijijini na wale wa kipato cha chini ambao wanashindwa kupata huduma sahihi za afya ikiwemo kuchelewa kwenda kwenye vituo vya kutolea huduma za afya wakati wa kujifungua.
Takribani akinamama 2,500 hadi 3,000 hupata tatizo la ugonjwa wa fistula kila mwaka japo idadi hii ni ndogo sana kuliko hali halisi ilivyo kwa kuwa wagonjwa wengi hunyanyapaliwa na familia zao na jamii kwa ujumla.
“Serikali ya Awamu ya Tano imejikita zaidi katika kuwahudumia wanyonge, kwa mamlaka niliyopewa natoa msamaha wa kulipia matibabu ya fistula ili kuwapunguzia mateso wanawake hawa. Kwa kuwa wenye tatizo la fistula ni wanawake wa kipato cha chini na wa vijijini, naziagiza hospitali zote za rufaa za mikoa na kanda kutoa matibabu ya fistula bure kwa wagonjwa watakaofika kutaka huduma hiyo,” alisema Ummy.
Alisema ili kuhakikisha huduma hiyo inatolewa, ameziagiza hospitali hizo kuandaa kambi za matibabu ya fistula angalau mara moja kila mwaka na apatiwe taarifa.
Aidha, ameeleza kuwa akinamama wengi wenye tatizo la fistula wamekuwa wakishindwa kufanya shughuli za uchumi kama biashara ndogo ndogo kwa kuwa ugonjwa huu ni wa aibu ambao husababisha watu kunyanyapaliwa na jamii.
Pia alieleza hatua mbalimbali zilizochukuliwa na serikali katika kukabiliana na tatizo la ugonjwa huu ikiwa ni pamoja na uboreshaji wa miundombinu kwa ajili ya huduma za ujauzito na uzazi, mafunzo ya huduma za dharura za uzazi kwa watoa huduma za afya pamoja na usimamizi shirikishi, uimarishaji wa ubora wa huduma za ujauzito na uzazi, kuimarisha upatikanaji wa dawa na vifaa tiba kwa ajili ya ujauzito na uzazi, kuimarisha mifumo ya rufaa na kuhakikisha huduma za dharura za uzazi zinapatikana hasa maeneo ya vijijini na wataalamu waliobobea katika maeneo hayo.
Mganga Mkuu wa Mkoa wa Tanga, Dk Asha Mahita alisema Hospitali ya Bombo ina changamoto ya kuwa na miundombinu chakavu, uhaba wa vifaa tiba na watumishi kiasi ambacho wanashindwa kutoa huduma ya kutibu akinamama wenye tatizo la fistula kwa kuwa hawana wataalamu waliobobea katika maeneo hayo.

SIKU mbili baada ya gazeti la HABARI LEO kuchapisha habari kuhusu ugonjwa wa homa ya ini (Hepatitis B), kuwa hatari kutokana na kutokuwa na tiba, Serikali imeeleza sababu zilizochangia ugonjwa huo kugeuka kuwa tishio.
Katika toleo la juzi, gazeti hili lilieleza kuwa ugonjwa wa homa ya ini ni hatari kwa vile, unaua idadi kubwa ya watu kimya kimya, ambapo kati ya watu 100, watu wanane wanaweza kuwa na maambukizi sugu ya ugonjwa huo.

Ilielezwa pia kuwa maambukizi ya ugonjwa huo ni makubwa mara 10 zaidi ya maambukizi ya virusi vya Ukimwi na kwamba asilimia kubwa ya wagonjwa, huugundua wakati ugonjwa uko kwenye hatua za mwisho na hivyo kusababisha mgonjwa kupoteza maisha.

Hayo yalibainishwa na Daktari Bingwa wa Magonjwa ya Mfumo wa Chakula na Ini, ambaye pia ni Mkuu wa Kitengo cha Magonjwa ya Tumbo na Ini, Idara ya Tiba katika Hospitali ya Taifa Muhimbili (MNH), Dk John Rwegasha katika mahojiano maalumu na gazeti hili juzi.
Hata hivyo jana akizungumzia ugonjwa huo na hatua zinazochukuliwa na serikali, Waziri wa Afya, Maendeleo ya Jamii, Jinsia, Wazee na Watoto, Ummy Mwalimu alisema ugonjwa huo umekuwa tishio kwa vile haujapewa kipaumbele cha kutosha.

Mwalimu alisema maambukizi ya ugonjwa huo kwa hapa nchini yanaongezeka na kwamba pamoja na kuongezeka huko nchi haikuwa na takwimu sahihi zinazoonesha ukubwa wa tatizo.

Alisema baada ya kuona ukubwa wake, hivi sasa wizara imeanza mchakato wa kufanya marejeo ya Sera ya Afya ya Mwaka 2007 ili kuingiza ugonjwa huo kwenye magonjwa ya vipaumbele.
“Ni kweli ugonjwa huu ni hatari na kasi ya maambukizi hivi sasa inaongezeka, ingawa hatuna takwimu sahihi tulizozifanya wenyewe kwa kuwa hatukuupa kipaumbele ugonjwa huu kwa siku za nyuma, ila sasa tumeona ukubwa wa tatizo na tumeanza kuchukua hatua,” alisema Ummy.
Waziri huyo alibainisha kuwa serikali ilitilia mkazo zaidi kwenye chanjo kwa watoa huduma walio kwenye sekta ya afya tena kwa wale wanaohusika zaidi au moja kwa moja na wagonjwa na kuongeza kuwa kutokana na ukubwa wa tatizo kuna haja sasa ya kuangalia upya sera ya afya.
Alisema baada ya kufanya mapito ya sera hiyo wataangalia jinsi ya kujikita zaidi kwenye kinga ili kuzuia kuenea kwa ugonjwa huo, ambao idadi kubwa ya wananchi hawana uelewa wa ugonjwa huo na athari zake, hadi pale mgonjwa anapougua.
Juzi akizungumzia dalili za homa ya ini, kwa aina zote mbili yaani B na C, Dk Rwegasha alisema mtu mwenye ugonjwa huo ni vigumu kumtambua hadi pale vipimo vya damu vitakapofanywa na kwamba kwa hapa nchini, hakuna mazoea ya kupima ugonjwa huo, hadi pale dalili zinapokuwa zimeanza kuonekana kwenye mwili wa mtu.
Dalili za ugonjwa huo kwa mujibu wa Dk Rwegasha ni pamoja na homa, tumbo kuuma upande wa juu kulia, kichwa mafua, macho kuwa na njano na wakati mwingine hata mkojo kuwa njano na pia wakati mwingine mtu aliyeathirika na ugonjwa huo hana dalili.
Alisema ugonjwa huo ni hatari na wakati mwingine zaidi ya Ukimwi kwa sababu ni ugonjwa unaoua watu wengi kimya kimya, na mtu anapogundua kuwa ameathirika na tatizo hilo, huwa ni kwenye hatua za mwisho na hivyo mgonjwa hupoteza maisha.

ABOUT 303 students from Kipili Secondary School located along the shores of Lake Tanganyika in Nkasi District, Rukwa Region, are in danger of contracting water borne diseases due to drinking unsafe and unclean water from the lake, since the school lacks proper water infrastructure.

Chama cha Madaktari wa Kinywa na Meno Tanzania (TDA),wakati kikiadhimisha Siku ya Afya ya Kinywa na Meno Duniani mwaka huu kilibaini kuwa zaidi ya asilimia 50 ya watoto walio chini ya miaka 14, wanakabiliwa na magonjwa ya kinywa na meno.
Pia kiilibaini kuwa asilimia 80 ya watanzania wanakabiliwa na matatizo ya ugonjwa wa fizi.
Katika kukabiliana na hali hiyo, wadau mbalimbali wameanza kutoa elimu ya afya ya kinywa ikiwa ni pamoja na watengenezaji wa dawa ya meno ya whitedent wa namna ya kujikinga na magonjwa ya kinywa.
Wakazi wa jiji la Dar es Salaam waliozungumza na East Africa Radio wanasema kumekuwa na upuuziaji mkubwa katika usafishaji wa meno, ulimi na kinywa kwa ujumla hali inayochangia watu wengi kung'oa meno yao.

Mkuu wa wilaya ya Ilala jijini Dar es salaam Sophia Mjema amesema kuanzia sasa manispaa ya Ilala itamfikisha mahakamani mtu yoyote atakayegundulika anatupa taka barabarani kiholela huku kukiwa na mapipa maalum ya kutupia taka katika barabara za Samora na Sokoine.


        Mkuu huyo wa wilaya ya Ilala ametoa kauli hiyo leo jijini Dar es Salaam wakati alipoongoza wafanyakazi wa manispaa ya Ilala pamoja na wananchi kuweka mapipa 51 ya kutupia taka za aina zote katika barabara hizo.
Katika hatua nyingine wakazi wa Kawe jijini Dar es Salaam wametakiwa kujenga tabia ya kujitokeza kufanya usafi wa mazingira kila Jumamosi ili kuhakikisha kata ya Kawe inakuwa katika hali safi ya mazingira.

HOSPITALI ya Taifa Muhimbili (MNH) imesema inatarajia kuanza kutoa huduma ya kupandikiza vifaa vya kuongeza usikivu kwa watoto na figo kwa wenye matatizo hayo kuanzia mwakani.
Hospitali hiyo imesema inatarajia kuanza kuwapeleka wataalamu nje ya nchi kuanzia Septemba, mwaka huu kwa ajili ya kusoma kwa muda wa miezi miwili hadi minne ili Januari huduma hiyo ianze kutolewa.
Kauli hiyo ilitolewa na Kaimu Mkurugenzi Mkuu wa hospitali hiyo, Profesa Lawrence Mseru wakati akiwatunuku vyeti wafanyakazi bora 53, ambapo alisema, kuanzishwa kwa huduma hiyo kutapunguza watoto waliokuwa wakipelekwa nje ya nchi.
“…jambo hili tunatarajia kupunguza na kuondoa kitendo cha kuwasafirisha wagonjwa nje ya nchi kwani tunatarajia kutoa huduma ya kupandikiza vifaa vya kusikia kwa watoto wadogo, pia tutaanza kupandikiza figo,” alisema Profesa Mseru.

Alisema mbali na kutoa huduma hiyo hospitali hiyo inatoa huduma ya kusafisha figo, magonjwa ya tumbo, kufanya upasuaji mbalimbali huku akibainisha hospitali hiyo inahitaji ukarabati kutokana na miundombinu yake kuchakaa.
Profesa Mseru alisema, kutokana na ukubwa wa hospitali hiyo wamekuwa wakipokea idadi kubwa ya wagonjwa, huku miundombinu yake ikiwa na changamoto nyingi hasa katika kipindi cha mvua, upatikanaji wa vifaa vya kufulia nguo za wagonjwa, kuteketeza taka ngumu na vifaa vingine.
“Aidha, tuna upungufu wa rasilimali fedha katika utoaji huduma au kuwapa motisha wafanyakazi wetu,” alisema.
Alisema kila mwezi hospitali hiyo inalazimika kulilipa Shirika la Umeme nchini (Tanesco) Sh milioni 200 hadi 220 huku Shirika la Dawasco wakililipa Sh milioni 100 kwa mwezi.
Akizungumzia ulipaji wa majengo, Prof Mseru alisema Manispaa inawadai Sh milioni 20 kwa mwezi.Katika kipindi cha miezi 6 iliyopita wastani wa pato la hospitali kwa mwezi ilikuwa sh bilioni 2.3 hadi sh bilioni 2.5; huku mahitaji kwa mwezi ya kawaida ikiwa sh bilioni 4.
Mbali na hilo, Prof Mseru alisema wanatarajia kukarabati vyumba vya upasuaji na kuongeza kutoka idadi ya vyumba 13 hadi kufikia vyumba 19 na kuhakikisha vyumba vinakuwa vikubwa, sanjari na kuongeza vitanda katika chumba cha wagonjwa wenye uhitaji wa uangalizi(ICU), kutoka vitanda 21 hadi kufikia vitanda 60.