VOICES TANZANIA

TANZANIA inakabiliwa na uhaba wa wataalamu  wenye ujuzi wa kufanya matengenezo ya vifaa vya maabara,  hali  inayodaiwa kudhoofisha utoaji wa vipimo mbalimbali kwa wagonjwa.

Taarifa hiyo imetolewa wakati wa mkutano wa Wakaguzi  wa Maabara Binafsi kutoka mikoa yote nchini  unaofanyika  mkoani SINGIDA.

Akifungua Mkutano huo Mwenyekiti wa Bodi ya Wakaguzi wa Maabara Nchini Dakta MARGARET  MHANDO amesema kuwa mpaka sasa Wizara ya Afya, Maendeleo ya Jamii, Jinsia, Wazee na Watoto wizara ina wataalamu watatu wa aina hiyo ambao hawakidhi mahitaji katika hospitali zilizopo hapa nchini.

Dakta MHANDO amewataka Wakaguzi  wa Maabara Binafsi kutoka mikoa yote nchini  kuhakikisha wanafanya ukaguzi wa mara kwa mara wa maabara zote zilizopo nchini ili kuhakikisha maabara hizo zinatoa huduma na vipimo sahihi kwa wagonjwa.

 September 15, 2016
LEONARD MANGA
 == =

Waziri wa Afya, Maendeleo ya Jamii, Jinsia, Wazee na Watoto UMMY MWALIMU amesema  kuwa Wizara yake itaanzisha mpango wa Taifa wa kupima Saratani ya Shingo ya Uzazi na Matiti kwa Wanawake wote nchini.

Waziri UMMY MWALIMU amesema kuwa mpango huo unalenga kupunguza wagonjwa wanaofikishwa katika Taasisi ya Saratani ya Ocean Road iliyopo Jijini DSM wakiwa katika hatua za mwisho.
       
Waziri huyo wa Afya, Maendeleo ya Jamii, Jinsia, Wazee na Watoto ametoa kauli hiyo mkoani DODOMA wakati wa mafunzo ya Usimamizi na Udadisi wa Utafiti wa Viashiria na Matokeo ya Ukimwi hapa nchini.


September 15, 2016
IDD MAALIM
 == =

Shirika la Afya Duniani WHO limeonya kwamba watu  wanaotoka katika maeneo ambayo yana maambukizi na kusambaa kwa ugonjwa wa ZIKA wanapaswa kujihusisha mahusiano salama ya ndoa wenzi wao katika kipindi cha miezi sita ili kuzuia uwezekano wa kusambaa kwa ugongwa huo.

ZIKA ni ugonjwa ambao unasambazwa na mbu husababisha watoto kuzaliwa na vichwa vidogo.
Ugonjwa huo huambukizwa kwa binanadumu kupitia maji maji ya mwili hivyo wataalamu wa afya wanaonya kwamba watu hasa wapenzi wanaotoka katika maeneo yenye maambukizi ya ZIKA kuchukua tahadhari ya kuambukizana ugonjwa huo.

September 7, 2016
MBOZI KATALA

Wakizungumza na TBC wamesema kukosekana kwa chanjo hizo ikiwemo ya pepopunda kunaweza kusababisha vifo na ulemavu usiotarajiwa hususan kwa wajawazito, watoto wachanga na majeruhi wa ajali.

Taarifa za kukosekana kwa baadhi ya chanjo katika hospitali mbalimbali jijini DSM zikiwemo zile zinazotumiwa na wajawazito zimeifanya TBC kutembelea baadhi ya hospitali jijini humo ikiwemo Hospitali ya MNAZI MMOJA ili kufahamu hali halisi.

JANETH SUDA ni Muuguzi wa Afya ya Jamii, Mama, Baba na Mtoto katika Hospitali ya MNAZI MMOJA ambaye amesema chanjo ya tetenasi au pepo punda haipo katika hospitali hiyo.

Daktari kiongozi Hospitali ya Rufaa ya Amana STANLEY BINAGI ameonesha wasiwasi wa madhara yanayoweza kujitokeza kutokana na ukosefu wa chanjo hizo muhimu kwa binadamu.

Kupata ufafanuzi wa jitihada zinazofanywa na serikali kukabiliana na upungufu wa chanjo mwandishi wa TBC EDWARD KONDELA amezungumza na Mkurugenzi wa Huduma za Kinga katika Wizara ya Afya, Maendeleo ya Jamii, Jinsia, wazee na watoto Dkt. NEEMA RUSIMABAYILA ambaye amesema serikali imeagiza baadhi ya chanjo ikiwemo ya tetenasi au pepo punda zinazotarajiwa kufika kuanzia tarehe 19 mwezi huu, ambazo zitaweza kutumika kwa muda wa miezi mitatu.

September 9, 2016
 EDWARD KONDELA